დღეს რელიგიის საკითხთა სახელმწიფო სააგენტოსთან არსებული ინტერ-რელიგიური სათათბიროს მორიგი სხდომა გაიმართა. სხდომას ესწრებოდნენ: საქართველოს მართლმადიდებელი ეკლესიის, კათოლიკური ეკლესიის, სომეხთა სამოციქულო ეკლესიის, ევანგელურ-პროტესტანტული ეკლესიის, ევანგელურ-ლუთერული ეკლესიის, სახარების ქრისტიან ბაპტისტთა ეკლესიების კავშირის, სახარების რწმენის ეკლესიის და თბილისის საერთაშორიშო ბაპტისტური ეკლესიის წარმომადგენლები.
შეხვედრაში, ასევე, თეოლოგი მეცნიერები: თეიმურაზ ბუაძე, გიორგი გვასალია და ზაზა შათირიშვილი მონაწილეობდნენ.
ინტერ-რელიგიური სათათბიროს წევრებს, ვენაში 2018 წ. 24-25 ნოემბერს ჩატარებული „განათლება - ვისი პასუხისმგებლობაა? - ისტორიული, სამართლებრივი და მსოფლმხედველობრივი ასპექტების“ საერთაშორისო სიმპოზიუმის მონაწილე ქართველმა მეცნიერებმა გააცნეს სიმპოზიუმის მასალები და ერთხმად მიღებული დეკლარაცია. სხდომის წევრებმა ხაზგასმით აღნიშნეს კონფერენციაზე დაყენებული საკითხების აქტუალობა და მნიშვნელობა.