რელიგიის სააგენტოს შეხვედრა   საქართველოში ევროკავშირის საელჩოს წარმომადგენლებთან

დღეს მთავრობის კანცელარიაში გაიმართა რელიგიის საკითხთა სახელმწიფო სააგენტოს თავმჯდომარის - ზაზა ვაშაყმაძის, სამართლებრივი უზრუნველყოფის სამასახურის უფროსის - არჩილ მეტრეველის და ადმინისტრაციული სამსახურის უფროსის - მალხაზ აფციაურის შეხვედრა საქართველოში ევროკავშირის საელჩოს პოლიტიკური განყოფილების უფროს დოროთა დლუში-სულიგასა და პროექტების მენეჯერ ივონე გოგოლს შორის.  შეხვედრისას განხილულ იქნა სააგენტოს ორი წლის საქმიანობა, ინტერრელიგიური სათათბიროს აქტივობები და 2016 წლის 25 ივლისს ჩატარებული კონფერენცია -,,ინტერრელიგიური დიალოგი მშვიდობისათვის“. ევროკავშირის საელჩოს წარმომადგენლებმა დადებითად შეაფასეს სააგენტოს საქმიანობა და მოიწონეს  ადამიანის უფლებათა სამოქმედო გეგმის მიხედვით სააგენტოს მიერ საჯარო მოხელეებისათვის ჩატარებული ტრენინგები და მომავალი აქტივობების გეგმა.

დასასრულს, გამოითქვა სურვილი ერთობლივი თანამშრომლობით  გაიმართოს ტოლერანტობის საკითხისადმი მიძღვნილი ტრენინგი ან სემინარი.

საქართველოს ევანგელურ-ბაპტისტური ეკლესია და ქრისტიან მოლოკანთა თემი დღეს მაცხოვრის ფერისცვალებას ზეიმობენ. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე დღესასწაულს ულოცავს  მათ და მშვიდობას და კეთილდღეობას უსურვებს . 

        დღეს მართლმადიდებელი სამყარო თორმეტი უდიდესი ქრისტიანული დღესასწაულიდან ერთ-ერთს - ფერიცვალებას აღნიშნავს. 

     ახალი აღთქმის მიხედვით, იესო  ქრისტემ  თავის მოწაფეებთაგან გამოარჩია პეტრე, იაკობი და იოანე და მათთან ერთად თაბორის მთაზე ავიდა სალოცავად. სანამ მაცხოვარი ლოცულობდა, დაღლილ მოწაფეებს ჩაეძინათ. გაღვიძებისას ნახეს, რომ იესო ქრისტემ ფერი იცვალა. ამ დროს მაცხოვრის გვერდით ზეციური დიდებით შემოსილი მოსე და ელია წინასწარმეტყველი იდგნენ და ისმენნდნენ იესოს მომავალი ჯვარცმის შესახებ. ამ საზარელი ამბის გაგების მიუხედავად,  იესოს „პირი გაბრწყინდა ვითარცა მზე, ხოლო სამოსელი მისი იქმნა სპეტაკ ვითარცა ნათელი“

      რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს საქართველოს სამოციქულო ავტოკეფალურ  მართლმადიდებელ ეკლესიასა და მის მრევლს ამ უდიდეს დღესასწაულს და  სულიერ გაძლიერებას, სიკეთეს და სიხარულს უსურვებს.

დღეს მსოფლიოს კათოლიკური სამყარო ყოვლადწმინდა ღვთისმშობლის მიძინებას დღესასწაულობს. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს ყველა კათოლიკეს, ქართველ კათოლიკეებს ამ დღესასწაულს, მშვიდობასა და კეთილდღეობას უსურვებს მათ

25 ივლისს სასტუმრო „ქორთიარდ მარიოტში“ რელიგიის საკითხთა სახელმწიფო სააგენტოს ინიციატივით გაიმართა კონფერენცია თემაზე: „ინტერრელიგიური დიალოგი მშვიდობისათვის“. კონფერენციაში მონაწილეობა მიიღეს საქართველოში არსებული რელიგიური ორგანიზაციების წარმომადგენლებმა, საქართველოს პარლამენტის, საქართველოს მთავრობის წევრებმა, დიპლომატიური კორპუსის, რელიგიის სააგენტოს პარტნიორი უმაღლესი სასწავლებლების წარმომადგენლებმა. კონფერენციის მონაწილეებმა მიიღეს ერთობლივი დეკლარაცია

6 აგვისტოს კათოლიკური სამყარო უფლის ფერისცვალებას ზეიმობს. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს დღესასწაულს ყველა კათოლიკეს, წარმატებებსა და კეთილდღეობას უსურვებს მათ.

დღეს ქართული ეკლესია  წმინდა ილია მართლის (ჭავჭავაძე) ხსენების დღეს აღნიშნავს. დღესვე ერთ-ერთი უდიდესი წინასწარმეტყველის, ელია თეზბიტელის ხსენების დღეა, რომელსაც ილია - ყველა დროის ერთ-ერთ უდიდეს ქართველად აღიარებული მწერალი, პუბლიცისტი, ქართული სალიტერატურო ენის რეფორმატორი გამორჩეულად აღნიშნავდა. დღესვე სრულიად საქართველოს კათოლიკოს-პატრიარქის, ილია II-ის ანგელოზის დღეა, პატრიარქის, რომლის სახელსაც საქართველოს მართლმადიდებელი ეკლესიის აღმავლობა, მისი ავტოკეფალიის აღდგენა  უკავშირდება.

            რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე გილოცავთ ილიაობას, საქართველოს პატრიარქს დიდი პატივისცემით ულოცავს ანგელოზის დღეს, დიდხანს სიცოცხლეს უსურვებს ქვეყნის საკეთილდღეოდ.

დღეს, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე შეხვდა აშშ-ს ჰარვარდის უნივერსიტეტის მკვლევარს, იმან მასმუდს. იმან მასმუდი დაინტერესებულია მსოფლიოს მასშტაბით მუსლიმთა საკითხების კვლევით. მისი ინტერესების სფეროშია მუსლიმთა უფლებებისა და განათლების საკითხები.

            დღეს გამართულ შეხვედრაზე, ზაზა ვაშაყმაძემ სტუმარს წარუდგინა რელიგიის საკითხთა სახელმწიფო სააგენტოს საქმიანობა მუსლიმ თემთან მიმართებით, მოუთხრო  მუსლიმთა უფლებების დაცვის, საზოგადოებაში მათი უკეთესი ინტეგრირების თვალსაზრისით სახელმწიფოს მიერ გადადგმულ ნაბიჯებზე.

            იმან მასმუდმა დადებითად შეაფასა საქართველოს ხელისუფლების აქტივობა ამ თვალსაზრისით და გამოთქვა სააგენტოსთან თანამშრომლობის სურვილი. საქართველოში ჩამოსვლამდე ჰარვარდის უნივერსიტეტის მკვლევარი, ანალოგიური მისიით მალაიზიაში იმყოფებოდა.

ბათუმის შოთა რუსთაველის სახელმწიფო უნივერსიტეტში საერთაშორისო საზაფხულო სკოლა „ევროპეიზაციის წარმოჩენა სამხრეთ კავკასიისა და შავი ზღვის რეგიონში ეკონომიკურ, იურიდიულ და სოციალურ ჭრილში“ გაიხსნა. საზაფხულო სკოლა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველმა მოადგილემ არჩილ ყარაულაშვილმა, ბსუ-ს რექტორის მოადგილემ ინგა შამილიშვილმა, რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ და ბათუმის მერმა გიორგი ერმაკოვმა გახსნეს. საერთაშორისო საზაფხულო სკოლა ევროკავშირის პროგრამა ჟან მონეს ქსელის ‘’ ევროპისმცოდნეობის განვითარება კავკასიაში’’ და ერაზმუს+ -ის სასწავლო მოდულის ‘’ევროპული სამართალი სამხრეთ კავკასიაში‘’ ორგანიზებით ტარდება.