8 ოქტომბერს, საქართველოს მთავრობის ადმინისტრაციაში,  გაიმართა რელიგიის საკითხთა სახელმწიფო სააგენტოსთან არსებული  რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის მეექვსე სხდომა, რომელსაც მართლმადიდებელი, იუდეველი და მუსლიმი  თემის  წარმომადგენლები ესწრებოდნენ.

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და სააგენტოს წარმომადგენლები ამა წლის 7 ოქტომბერს გრიგოლ რობაქიძის სახელობის უნივერსიტეტში გამართულ პირველ სამუშაო შეხვედრას დაესწრნენ.

ბათუმში, ანგისის დასახლებაში სამუფთო რეზიდენცია გაიხსნა.  ოთხსართულიან რეზიდენციაში განთავსდება სამუფთოს სამსახურები, მოეწყობა მედრესე, განათლების კუთხე და დაიბეჭდება ლიტერატურა, რომლითაც მუსლიმი მოსწავლეები იხელმძღვანელებენ. 

რელიგიის საკითხთა სახელმწიფო სააგენტოს ინიციატივით მუსლიმთა სამმართველომ ხელვაჩაურში ე.წ. მუყაოს ქალაქის უკიდურესად გაჭირვებულ 700-მდე მოსახლეს ჰუმანიტარული დახმარება გადასცა.

დღეს მუსლიმები ერთ-ერთ მნიშვნელოვან დღესასწაულს- ყადირ ხუმს აღნიშნავენ, როცა შუამავალმა მუჰამედმა ალი საკუთარ მემკვიდრედ დაასახელა. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს ყველა მუსლიმს, განსაკუთრებით კი საქართველოს მუსლიმ თემს ამ დღესასწაულს, სიკეთეს და საყოველთაო  მშვიდობას უსურვებს მათ.

2014 წლის 25 ნოემბრის N 166 განკარგულების თანახმად, ქ. თბილისში, ისნის რაიონში, ღვინის აღმართისა და ევროპის მოედნის მიმდებარე ტერიტორიასთან არსებულ უსახელო სკვერს მიენიჭა ტოლერანტობის სახელი. ამ ინიციატივით საქართველოს პრემიერ-მინისტრმა ირაკლი ღარიბაშვილმა გასული წლის 16 ნოემბერს, ევროპის მოედანზე, ტოლერანტობის საერთაშორისო დღესთან დაკავშირებულ ღონისძიებაზე შეკრებილ რელიგიური კონფესიებისა და ეთნიკური უმცირესობების წარმომადგენლებს მიმართა.

მართლმადიდებელი სამყარო დღეს ჯვართამაღლებას ზეიმობს. იესოს ცხოველმყოფელი ჯვრის ამაღლება სულიერი ამაღლების მაგალითია ყოველი ქრისტიანისთვის. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს ყველა მართლმადიდებელ ქრისტიანს ამ დღეს, ცხოველმყოფელი ჯვრის მადლი და ძალა გფარავდეთ თქვენ და თქვენს ოჯახებს, ჩვენს სამშობლოს.

დღეს მუსლიმებისთვის უდიდესი დღესასწაული, ყურბან-ბაირამი- მსხვერპლშეწირვის დღესასწაული იღებს სათავეს. მუსლიმებს სწამთ, რომ ღვთისთვის შესაწირის სისხლის მიწაზე დაცემას მორწმუნეთათვის ცოდვათა მიტევება მოჰყვება. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს ყველა მუსლიმს ყურბან ბაირამს და წარატებებს, სიკეთეს და სულის სიმშვიდეს უსურვებს მათ.