დღეს, 10 აგვისტოს, საქართველოში დარეგისტრირებული  რელიგიური ორგანიზაციების წარმომადგენლებმა: ლათინ კათოლიკეთა, ეზიდთა  სასულიერო საბჭოს, საქართველოს ებრაელთა კავშირის, სომეხთა სამოციქულო მართლმადიდებელი ეკლესიის საქართველოს ეპარქიის, ევანგელურ-პროტესტანტული ეკლესიის, ევანგელურ-ბაპტისტური  ეკლესიის, სახარების რწმენის ეკლესიის, მუსლიმთა სამმართველოს წარმომადგენლებმა  პატივი მიაგეს და გვირგვინებით შეამკეს მუხათგვერდის ძმათა სასაფლაო და მემორიალი. ღონისძიებას ესწრებოდა რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე. 

10 აგვისტოს გაფორმდა ურთიერთთანამშრომლობის მემორანდუმი რელიგიის საკითხთა სახელმწიფო სააგენტოსა და შემდეგ  არასამთავრობო ორგანიზაციებსა შორის: ა(ა)იპ „საზოგადოებრივი დამცველი“) - აღმასრულებელი დირექტორი დემეტრე ლომაძე; ა(ა)იპ „თავისუფალი არჩევანი“ - თავმჯდომარე მანანა ბიწაძე-მიქელაძე; ა(ა)იპ „ასოციაცია: კავკასიის ქალები საუნივერსიტეტო განათლებით“ - პრეზიდენტი თამარ კიკნაძე; ა(ა)იპ „სრულიად საქართველოს სახალხო დარბაზი“- თავმჯდომარე გოდერძი ოთარაშვილი.

დღეს, 6 აგვისტოს, საქართველოს მთავრობის ადმინისტრაციაში გაიმართა  რელიგიის საკითხთა სახელმწიფო სააგენტოს თავმჯდომარის - ზაზა ვაშაყმაძისა და ევროკავშირის სადამკვირვებლო მისიის მოქალაქეთა უსაფრთხოების გუნდის წევრების - ჯირი როუსისა და ჟანა ნაფას  შეხვედრა.

დღეს კათოლიკეები უფალი იესო ქრისტეს ფერისცვალების დღეს აღნიშნავენ.. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე  ულოცავს კათოლიკურ სამყაროს და  საქართველოში მცხოვრებ ლათინ-კათოლიკეთა სამოციქულო ეკლესიის მრევლს, წარმატებებს, სიხარულსა და სიკეთეს უსურვებს მათ.

4 აგვისტოს, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და აღმოსავლეთ საქართველოს მუფტი იასინ ალიევი პანკისის ხეობაში, სოფელ დუისში იმყოფებოდნენ. მათ მოინახულეს დუისის მეჩეთის მიმდებარე სარიტუალო შენობა, რომლის რეკონსტრუქციაც რელიგიის საკითხთა სახელმწიფო სააგენტოს ინიციატივითა და მუსლიმთა სამმართველოს ხელშეწყობით ხორციელდება. 

 3 აგვისტოს საქართველოს მთავრობის ადმინიტრაციაში რელიგიის საკითხთა სახელმწიფო სააგენტოს თავმჯდომარე  ზაზა ვაშაყმაძე შეხვდა  საქართველოში საბერძნეთის საგანგებო და სრულუფლებიანი  ელჩის მოადგილეს - ჯორჯ ფსიახასის.

სტუმარმა ზაზა ვაშაყმაძეს  გააცნო ინფორმაცია   მიმდინარე წლის ოქტომბერში  ათენში დაგეგმილი საერთაშორისო კონფერენციის - „ პლურალიზმი და რელიგიური ტოლერანტობა“,  შესახებ და  გადასცა  საბერძნეთის საგარეო საქმეთა სამინისტროს მოწვევა ამ ღონისძიებაზე.

დღეს, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე საქართველოს სახალხო დამცველს, უჩა ნანუაშვილსა და საახალხო დამცველის აპარატის წარმომადგენლებს შეხვდა. საუბარი შეეხო საქართველოში ადამიანთა რელიგიური უფლებების დაცვის სფეროში არსებულ ვითარებას, სააგენტოსა და სახალხო დამცველს შორის კომუნიკაციისა და თანამშრომლობის გაღრმავების აუცილებლობას. 

1 აგვისტოს, პანკისის ხეობაში, სოფელ დუისში მდებარე იუსტიციის სახლში, რელიგიის საკითხთა სახელმწიფო სააგენტოს ინიციატივით დაგეგმილი სამუშაო შეხვედრა გაიმართა. შეხვედრას ესწრებოდნენ: რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და სააგენტოს თანამშრომლები, ალავერდელი ეპისკოპოსი ამბა  დავითი, შეიხი რამინ იგიდოვი, დასავლეთ საქართველოს მუფტი ბეგლარ ქამაშიძე, აღმოსავლეთ საქართველოს მუფტი იასინ ალიევი, პანკისის ხეობის უხუცესთა საბჭოს წარმომადგენლები ხასო ხანგოშვილი და ზაურ გუმაშვილი, ადგილობრივი ხელისუფლების წარმომადგენლები.

რელიგიის საკითხთა სახელმწიფო სააგენტოს  ინიციატივით საპატრიარქოს წმინდა იოაკიმესა და ანას სახელობის სამედიცინო ცენტრის 14 პროფილის მედიკოსი პანიკსელებს 2015 წლის 1გვისტოს  მთელი დღის განმავლობაში, სოფლის ამბულატორიაში უფასოდ მოემსახურნენ.