12-13 ივნისს იუდეველთა თემი შავუოთს - თორის მიღებას დღესასწაულობს. ებრაელთათვის სინაის მთაზე თორის მიღება წარმოადგენს ეგვიპტის მონობიდან განთავისუფლების საბოლოო დაგვირგვინებას. თორამ მისცა მათ პატიოსნების, მორალისა და სამართლიანობის მცნებები. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს იუდეველებს, განსაკუთრებით, ქართველ ებრაელებს შავუოთის დღესასწაულს, მშვიდობას, სიკეთეს, კეთილდღეობას უსურვებს მათ.