რელიგიის სააგენტოს თავმჯდომარემ ზაზა ვაშაყმაძემ და სააგენტოს სამართლებრივი უზრუნველყოფის, პირველი კატეგორიის წამყვანმა სპეციალისტმა ვალერიან ლილუაშვილმა, საქართველოს კულტურული მემკვიდრეობის დაცვის ეროვნული სააგენტოს დირექტორთან ნიკოლოზ ანთიძესთან და მის მოადგილე პაატა გაფრინდაშვილთან ერთად მოინახულეს და დაათვალიერეს, კვიპროსის სოფ. სოფტადესში, ასევე, სოფ. ალამინოსში აღმოჩენილი ქართული ეკლესის ნანგრევები.

სოფელ სოფტადესში არსებული ნაეკლესიარი წარმოადგენს XIII-XIV საუკუნის ძეგლს, რომელზეც კვიპროსის მხარესთან შეთანხმბით, ქართველი არქეოლოგების ჯგუფი 3 წლის განმავლობაში აწარმოებს არქეოლოგიურ - გაწმენდით და კონსერვაციის სამუშაოებს. 

შეხვედრისას არქეოლოგებმა დელეგაციის წევრებს ადგილზე გაცნეს ძეგლის არსებული მდგომარეობა და ისაუბრეს  დაგეგმილ საკონსერვაციო სამუშაოების შესახებ.

სოფ. ალამინოსში აღმოჩენილ შუა საუკუნეების ქართულ ნაეკლესიარს უკვე ჩაუტარდა არქელოგიური - გაწმენდითი სამუშაოები და მიმდინაროებს მისი კონსერვაცია.