დიდი შაბათი – ვნების კვირის შაბათი, აღდგომის წინა დღეა. ქრისტიანულმა ეკლესიამ იმ დღის აღსანიშნავად დააწესა, როდესაც პონტოელ პილატესთან მისულმა მღვდელმთავრებმა მისი ნებართვით დარაჯები მიუჩინეს ქრისტეს გვამს, რომელიც იესოს მოწაფემ იოსებ არიმათიელმა კლდეში დაასვენა და ლოდი მიაგორა.

დიდი შაბათის ღვთისმსახურება იესო ქრისტეს ხორცით საფლავში, სულით კი ჯოჯოხეთში ჩასვლას და, ბოლოს, მაცხოვრის მკვდრეთით აღდგომას ეძღვნება.