მისამართი : თბილისი, ინგოროყვას 7 
ელ ფოსტა: info.ra@religion.gov.ge 
ტელეფონი: +995 322 990900 
დღეს, რელიგიის საკითხთა სახელმწიფო სააგენტოს ორგანიზებით, მორიგი საქველმოქმედო აქცია გაიმართა. რელიგიის სააგენტო და ქრისტიან-ბაპტისტთა ეკლესიების გაერთიანება აფხაზეთიდან იძულებით გადაადგილებულ პირებს დაეხმარნენ. რელიგიის სააგენტოს თავმჯდომარემ, ზაზა ვაშაყმაძემ ზუგდიდში მცხოვრები ოჯახებისთვის აფხაზეთის მთავრობას ჰუმანიტარული ტვირთი - 40 ფუთა ტანსაცმელი გადასცა.
აფხაზეთის ავტონომიური რესპუბლიკის იძულებით გადაადგილებულ პირთა მინისტრმა, დავით ფაცაციამ და აფხაზეთის მომსახურების სააგენტოს დირექტორმა, ავთანდილ ქარაიამ მადლობა გადაუხადეს რელიგიის სააგენტოს დახმარებისთვის.
აქციაში მონაწილეობდნენ ქრისტიან-ბაპტისტთა ეკლესიების გაერთიანების აღმასრულებელი მდივანი, ტარიელ პაპინაშვილი, რელიგიის სააგენტოს წარმომადგენლები ლაშა მჭედლიძე და სერგო კერესელიძე.
საქველმოქმედო აქციები როგორც თბილისში, ისე რეგიონებში, პერიოდულად ტარდება და ორგანიზატორთა თქმით, მომავალშიც გაგრძელდება.
