მისამართი : თბილისი, ინგოროყვას 7 
ელ ფოსტა: info.ra@religion.gov.ge 
ტელეფონი: +995 322 990900 
რელიგიის სააგენტო და მისი თავმჯდომარე ზაზა ვაშაყმაძე საქართველოს სამოციქულო ავტოკეფალურ მართლმადიდებელ ეკლესიას, საქართველოს კათოლიკოს-პატრიარქს და მართლმადიდებელ მრევლს ახალი საეკლესიო წლის დაწყებას ულოცავს.
სავარაუდოდ, ახალი საეკლესიო წელიწადის - ინდიქტიონის ათვლა 14 სექტემბრიდან (ახალი სტილით) პირველი მსოფლიო კრების გადაწყვეტილებას უკავშირდება. ამ დღეს , ძველი სტილით 1 სექტემბერს , ნაზარეთში მყოფი მაცხოვარი სინაგოგაში შევიდა და წაიკითხა ესაია წინასწარმეტყველის სიტყვები: „სული უფლისაი ჩემს ზედა, რომლისათვის მცხო მე.... ქადაგებად წელიწადი უფლისა შემწყნარებელი“ .
ამ დღეს უკავშირდება ასევე კოსტანტინე დიდის გამარჯვების შემდეგ ქრისტიანული სარწმუნოების აღსარების სრული თავისუფლება.
რელიგიის სააგენტო ახალი საეკლესიო წლის დასაწყისში ყველა მართლმადიდებელს სულის მხნეობა უსურვებს.
