19 აგვისტოს, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე ადიგენის რაიონის სოფელ ნამინაურში იქაურ მოსახლეობას, გვარების უხუცესებს შეხვდა. შეხვედრის მიზანი მუსლიმი ქართველებით კომპაქტურად დასახლებულ სოფელში მათი პრობლემების გაცნობა და შეფასება იყო. ადიგენის რაიონის მუფტმა მამუკა ვაშაყმაძემ რელიგიის სააგენტოს თავმჯდომარე საკუთარ ოჯახში, ვაშაყმაძეების გვარის უხუცესების შეხვედრაზე მიიპატიჟა. შეკრებილებმა გამოხატეს კმაყოფილება სააგენტოს წარმომადგენლებთან შეხვედრის გამო და იმედი გამოთქვეს, რომ ამ ტიპის შეხვედრები ხელს შეუწყობს საზოგადოების გაერთიანებას.
მისამართი : თბილისი, ინგოროყვას 7 
ელ ფოსტა: info.ra@religion.gov.ge 
ტელეფონი: +995 322 990900 
