ბათუმის ღვთისმშობლის შობის სახელობის საკათედრო ტაძარში შეკრებილი მრევლი დღეს იესო ქრისტეს ბრწყინვალე აღდგომას დღესასწაულობს. საზეიმო ლიტურგიას ბათუმისა და ლაზეთის მიტროპოლიტი დიმიტრი (შიოლაშვილი) უძღვებოდა.
საზეიმო მსახურებას დაესწრო და საქართველოს მთავრობის, რელიგიის საკითხთა სახელმწიფო სააგენტოს სახელით მრევლს აღდგომა მიულოცა რელიგიის საკითხთა სახელმწიფო სააგენტოს წარმომადგენელმა აჭარაში, აბესალომ ასლანიძემ.