წლევანდელი ქრისტეშობა განსხვავებულად აღნიშნეს ევანგელურ-ლუთერულ ეკლესიაში: კოვიდ პანდემიის გათვალისწინებით, სახელმწიფოს ნებართვის მიუხედავად, ეკლესიამ და მრევლმა მსოფლიო გამოცდილება გაითვალისწინა და ტრადიციულ ღამისთევაზე უარი თქვა. სწორედ ეს აღნიშნა თავის გამოსვლაში რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ და გამოჩენილი სამოქალაქო პასუხისმგებლობისთვის მადლობა გადაუხადა ევანგელურ-ლუთერული ეკლესიის ეპისკოპოსს, მარკუს შოხს და მრევლს.

ზაზა ვაშაყმაძემ ტაძარში შეკრებილთ საქართველოს პრემიერ-მინისტრის სახელით შობის დღესასწაული მიულოცა და წარმატებები უსურვა. საზეიმო წირვას ესწრებოდა გერმანიის ელჩი საქართველოში, ჰუბერტ ქნირში.