დღეს საქართველოს მართლმადიდებელი ეკლესია უმნიშვნელოვანეს დღესასწაულს, ქრისტეშობას აღნიშნავს, როცა ბეთლემის პატარა გამოქვაბულში მხსნელი - მაცხოვარი იშვა და კაცობრიობის ისტორიაში ათვლის ახალ წერტილს დაუდო სათავე. შობა განახლების, იმედის დღეა, რომელსაც ყველა მართლმადიდებელი განსაკუთრებულად ელის და ზეიმობს.

რელიგიის საკითხთა სახელმწიფო სააგენტო ქრისტეშობის  დღესასწაულს გილოცავთ საქართველოს სამოციქულო ავტოკეფალურ მართლმადიდებელ ეკლესიასა და მრევლს, მშვიდობას, ერთობასა და წარმატებებს გისურვებთ.