დღეს რელიგიის სააგენტომ ბათუმში საქველმოქმედო აქცია გამართა. სპეციალური პენიტენციური სამსახურის ბათუმის N3 პენიტენციურ დაწესებულებაში რელიგიის საკითხთა სახელმწიფო სააგენტოს აჭარის რეგიონული წარმომადგენელი, აბესალომ ასლანიძე და საქართველოში ქრისტიანული ასოციაცია გედეონის წარმომადგენლები - გენადი მალაყმაძე, ილია ცინცაძე, გიორგი გერსამია და ზურაბ ლაზიშვილი იმყოფებოდნენ. მათ პენიტენციური დაწესებულების პატიმრებს საჩუქრად 300 ეგზემპლარი ახალი აღთქმა და ფსალმუნები გადასცეს.