რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე სააღდგომო ლიტურგიას სამების საკათედრო ტაძარში დაესწრო.

სრულიად საქართველოს კათალიკოს-პატრიარქის სააღდგომო ეპისტოლეში გამოიკვეთა ჩვენი ქვეყნისა და მოსახლეობისათვის უმნიშვნელოვანესი საკითხები: თაობათა ურთიერთობების, ურთიერთშენდობის, პატრიოტიზმისა და სამშობლოს სიყვარულის შესახებ.

სააგენტოს თავმჯდომარემ საქართველოს მოსახლეობას და საზღვარგარეთ მყოფ ჩვენს თანამემამულეებს აღდგომის ბრწყინვალე დღესასწაული მიულოცა.

სადღესასწაულო წირვა-ლოცვა სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სასულიერო დასთან ერთად ჩაატარა.