საქართველოს პრეზიდენტი, სალომე ზურაბიშვილი ვატიკანში, რომის პაპ ფრანცისკეს შეხვდა . პრეზიდენტმა პაპს საჩუქრად რელიგიის საკითხთა სახელმწიფო სააგენტოს მიერ ქართულ-ინგლისურ ენაზე გამოცემული წიგნი "ოკუპირებული მემკვიდრეობა " გადასცა, რომლის პრეზენტაცია დაგეგმილია ახლო მომავალში.

ეს არის ალბომი, სადაც დამოუკიდებელი საქართველოს ისტორიაში პირველად, სრულად არის ასახული საქართველოს ოკუპირებულ ტერიტორიებზე, აფხაზეთის ავტონომიურ რესპუბლიკასა და ცხინვალის რეგიონში, არსებული მართმადიდებლური და რელიგიური უმცირესობების ისტორიულ-კულტურული ძეგლები და მათი სავალალო მდგომარეობა (საარქივო და ახალი ფოტო მასალა).