თბილისის 202-ე საჯარო სკოლას დღეს, 1 მარტს, რელიგიის საკითხთა სახელმწიფო სააგენტომ და თბილისის საერთაშორისო ბაპტისტურმა ეკლესიამ სკოლის აღსაზრდელებს, უსინათლო და შეზღუდული შესაძლებლობის 50-მდე მოსწავლეს სხვადასხვა საჩუქრები და სააგენტოს მიერ ბრაილის შრიფტით გამოცემული ყოველწლიური ინტერ-რელიგიური კალენდრები გადასცეს.
სკოლის დირექციამ მადლობა გადაუხადა სააგენტოსა და ამერიკული ბაპტისტური ეკლესიის ხელმძღვანელობას გაწეული დახმარებისათვის; როგორც სტუმრებმა აღნიშნეს, ეს მათი მეოთხე ერთობლივი საქველმოქმედო აქციაა 202-ე სკოლაში და ისინი მოსწავლეთა დახმარებას სამომავლოდაც გეგმავენ. ტრადიციულად, საახალწლოდ დაგეგმილ აქციას კი წელს ხელი კორონა ვირუსის პანდემიამ შეუშალა - სკოლამ სწავლა დაგვიანებით განაახლა.
აქციაში მონაწილეობდნენ: ამერიკული ბაპტისტური ორგანიზაციის ხელმძღვანელი ჩარლზ ჰობლიცი, მისი თანამშრომელი კახაბერ ჩხაიძე, რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე და სააგენტოს თანამშრომელი ხატია გაბისონია.