21 ნოემბერს, მთავრობის ადმინისტრაციაში რელიგიის საკითხთა სახელმწიფო სააგენტოს თავმჯდომარე - ზაზა ვაშაყმაძე შეხვდა ვურტემბერგის ევანგელურ-ლუთერული ეკლესიის მისიების, ეკუმენური ურთიერთობისა და ეკლესიის განვითარების დეპარტამენტის აღმასრულებელ მდივანს - კლაუს რიეტს. შეხვედრას ესწრებოდა საქართველოში ევანგელურ-ლუთერული ეკლესიის წინამძღვარი - ჰანს იოაჰიმ კიდერლენი. შეხვედრაზე დადებითად შეფასდა ევანგელურ-ლუთერული ეკლესიისა და სახელმწიფოს ურთიერთობა ინტერ-რელიგიური სათათბიროს ფორმატში, და ხაზი გაესვა ურთიერთთანამშრომლობის გაღრმავების აუცილებლობას. დაიგეგმა სააგენტოსთან ერთობლივი პროექტების განხორციელება და შემდეგი სამუშაო შეხვედრის ფორმატი. ბატონმა კლაუსმა, რომელიც ასევე ევანგელურ-ლუთერული ეკლესიის საგარეო საქმეთა კოორდინატორია, დაინტერესება გამოხატა სააგენტოს მიერ განხორციელებული ინტერ-რელიგიური პროექტების მიმართ და ბატონ ჰანსთან ერთად აღუთქვეს უფრო აქტიური თანამშრომლობა.
მისამართი : თბილისი, ინგოროყვას 7 
ელ ფოსტა: info.ra@religion.gov.ge 
ტელეფონი: +995 322 990900 
