რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე სომეხთა სამოციქულო მართლმადიდებელი ეკლესიის საქართველოს ეპარქიის წინამძღვარს, ეპისკოპოსს ვაზგენ მირზახანიანს მთავრობის ადმინისტრაციაში შეხვდა. შეხვედრაზე ურთიერთთანამშრომლობის ფორმატში 2016 წლისათვის  განსახილველ თემებსა და საკითხებზე  იმსჯელეს. შეხვედრის ბოლოს მათ ერთმანეთს დამდეგი შობა-ახალი წელი მიულოცეს. სომეხთა სამოციქულო მართლმადიდებელი ეკლესიის საქართველოს ეპარქიის წინამძღვარმა, ეპისკოპოსმა ვაზგენ მირზახანიანმა სააგენტოს თავმჯდომარე ზაზა ვაშაყმაძე 2016 წლის 6 იანვარს შობის დღესასწაულზე მიიწვია.

ამა წლის 26 დეკემბერს მუსლიმთა სამმართველოს ინიციატივით, პირველად საქართველოს ისტორიაში აზერბაიჯანულ ენაზე გამოიცა ყურანი. წიგნის პრეზენტაცია სასტუმრო „ამბასადორში“ გაიმართა, რომელსაც ესწრებოდნენ რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, სრულიად საქართველოს მუსლიმი თემის ლიდერები, როგორც შიიტური ისევე სუნიტური, ასევე სომხური, ებრაული, და იეზიდური თემი და  მთავრობისა და დიპლომატიური კორპუსის წარმომადგენლები. 

ივანე ჯავახიშვილის სახელობის თბილისის სახელმწიფო უნივერსიტეტში  გაიმართა ორგანიზებული დანაშაულის და ტერორიზმის პრობლემათა კვლევითი ცენტრის პრეზენტაცია.   

პრეზენტაციაზე სიტყვა წარმოთქვა რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ.

17 დეკემბერს, ქ. ქუთაისში, მშვიდობის, დემოკრატიის და განვითარების კავკასიური ინსტიტუტი ორგანიზებით გაიმართა დისკუსია „საქართველოს სახელმწიფოს რელიგიური პოლიტიკა“. დისკუსიის მასპინძელი იყო ადგილობრივი არასამთავრობო ორგანიზაცია „ფონდი აფხაზინტერკონტალი“.

დღეს, კულტურის სამინისტროში,  რელიგიის საკითხთა სახელმწიფო სააგენტოს ინიციატივით, კულტურის მინისტრი მიხეილ გიორგაძე საქართველოში ირანის ისლამური რესპუბლიკის საგანგებო და სრულუფლებიან ელჩს, აბას თალებიფარს შეხვდა.  საუბარი შეეხო ორ ქვეყანას შორის ურთიერთობებს კულტურის სფეროში, დაიგეგმა ერთობლივი ღონისძიებები რელიგიურ-კულტურული მიმართულებებით.

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე  შეხვდა ბათუმის სახელმწიფო უნივერსიტეტის სტუდენტებსა და პროფესორ-მასწავლებლებს.   მან მიმოიხილა ადამიანის რელიგიურ უფლებებთან დაკავშირებული საკითხები. 

დღეს, მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, სააგენტოს თანამშრომლები და რელიგიური ორგანიზაციების წარმომადგენლები არასამთავრობო ორგანიზაცია „ევრაზიის თანამშრომლობის ფონდის“ პროგრამის მენეჯერ ნათია ბერძენიშვილსა და ფონდის დამოუკიდებელ ექსპერტს ესპანეთიდან, ჯემა პინიოლ პუიგის შეხვდნენ. შეხვედრაზე, რომელიც „ევრაზიის თანამშრომლობის ფონდის“ ინიციატივით შედგა, სტუმრები გაეცნენ სააგენტოს საქმიანობასა და მის ამოცანებს.

  მიმდინარე წლის 8 დეკემბერს რელიგიის საკითხთა სახელმწიფო სააგენტოს თავმჯდომარე  - ზაზა ვაშაყმაძე საქართველოს მთავრობის ადმინისტრაციაში შეხვდა საქართველოს შეიხს - რამინ იგიდოვსა და შიიტური საბჭოს ( შურის) წევრებს.