დღეს,  30 ივნისს, საქართველოს მთავრობის ადმინისტრაციაში შედგა რელიგიის საკითხთა სახელმწიფო სააგენტოსთან არსებული  რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2016 წლის რიგით მეოთხე სხდომა

კათოლიკური სამყარო დღეს პეტრე-პავლობის დღესასწაულს აღნიშნავს. მოციქულებრივი და მოწამეობრივი ღვაწლით გამორჩეულ წმინდანთა ხსენება ერთ დღესაა დაწესებული და საზეიმოდ აღინიშნება. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე  პეტრე-პავლობას ულოცავს ყველა კათოლიკეს და წარმატებებს უსურვებს მათ.

საქართველოში რელიგიის საკითხთა სახელმწიფო სააგენტოს მოწვევით მყოფმა რუმინეთის რელიგიის საკითხთა სახელმწიფო მდივნმა ვიქტორ ოპასკიმ, სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე, საქართველოს პრეზიდენტი გიორგი მარგველაშვილი და რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე რუმინეთის სახელმწიფოსა და საპატრიარქოს  ჯილდოთი, დიდი ქართველი განმანათლებლის, წმინდა ანთიმოზ ივერიელის სახელობის ოქროს მედლით დააჯილდოვა.

დღეს კათოლიკური ეკლესია წმიდა იოანე ნათლისმცემლის, მაცხოვრის წინამორბედის შობას აღნიშნავს, უდიდესი წინასწარმეტყველის, რომელმაც  ძველი აღთქმის ეპოქა დაასრულა და უფლის განკაცება დაამოწმა.

დღეს, რელიგიის საკითხთა სახელმწიფო სააგენტოში, კავკასიის საერთაშორისო უნივერსიტეტის მეორე კურსის სტუდენტებმა საქართველოში  რელიგიურ თემებთან დაკავშირებული საკუთარი პრეზენტაციები წარმოადგინეს. 

19 ივნისს  მართლმადიდებელი ქრისტიანები სულთმოფენობას - სულიწმიდის გარდამოსვლას ზეიმობენ. ეს დღე ღრმა სიმბოლური მნიშვნელობის მატარებელია და ძველი სჯულის ახლით შეცვლის ნიშნად, ქრისტეს ეკლესიის დაარსების დღედ ითვლება. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს ყველა მართლმადიდებელს, საქართველოს მართლმადიდებელ  სამოციქულო ეკლესიასა და მის მრევლს უდიდეს ქრისტიანულ დღესასწაულს და წარმატებებსა და კეთილდღეობას უსურვებს მათ.

19 ივნისს, საქართველოს ევანგელურ-ბაპტისტური ეკლესია,  სახარების რწმენის ეკლესია, ევანგელურ-პროტესტანტული ეკლესია და ქრისტიანთა-მოლოკანთა თემი სულთმოფენობას - სულიწმიდის გარდამოსვლას ზეიმობენ. სულთმოფენობა თორმეტ უდიდეს ქრისტიანულ დღესასწაულთაგანია და ტაძრებში საზეიმო წირვა-ლოცვით აღინიშნება. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე გილოცავთ დღესასწაულს, წარმატებებსა და წინსვლას გისურვებთ ჩვენი ქვეყნის საკეთილდღეოდ.

12-13 ივნისს  იუდეველთა თემი შავუოთს - თორის მიღებას დღესასწაულობს. ებრაელთათვის  სინაის მთაზე თორის მიღება  წარმოადგენს ეგვიპტის მონობიდან განთავისუფლების საბოლოო დაგვირგვინებას. თორამ მისცა მათ პატიოსნების, მორალისა და სამართლიანობის მცნებები. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს იუდეველებს, განსაკუთრებით, ქართველ ებრაელებს შავუოთის დღესასწაულს, მშვიდობას, სიკეთეს, კეთილდღეობას უსურვებს მათ.

დღეს საქართველოს ეზიდთა თემი „ტავაფა ეზიდს“ - თბილისის ეზიდის  ტაძრის დღესასწაულს აღნიშნავს. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს საქართველოს ეზიდ თემს დღესასწაულს, მშვიდობას, წარმატებებს, კეთილდღეობასა და წინსვლას უსურვებს მათ.