19  მარტს კათოლიკური სამყარო წმინდა იოსების ხსენების დღეს აღნიშნავს. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ულოცავს კათოლიკურ ეკლესიასა და მის მრევლს, საქართველოში მცხოვრებ ყველა კათოლოკეს დღესასწაულს და კეთილდღეობასა და წარმატებებს უსურვებს მათ.

დღეს საქართველოში, სომხეთსა და რუსეთში მცხოვრები ეზიდები  გაზაფხულის დადგომას- „კლოჩე სარე სალეს“ აღნიშნავენ. ეს უძველესი სახალხო დღესასწაული განახლების, ახალი სიცოცხლის, ახალი წლის დაწყების სიმბოლოა. რელიგიის საკითხთა სახელმწიფო სააგენტო და მისი თავმჯდომარე ზაზა ვაშაყმაძე ჩვენს ეზიდ თანამოქალაქეებს ულოცავს  "კლოჩე სარე სალეს" და განახლებას, წარმატებებსა და კეთილდღეობას უსურვებს მათ.

აშშ-ში სამუშაო ვიზიტით მყოფი რელიგიის საკითხთა სახელმწიფო სააგენტოს დელეგაცია - სააგენტოს თავმჯდომარე ზაზა ვაშაყმაძე, სამართლებრივი უზრუნველყოფის სამსახურის უფროსი არჩილ მეტრეველი და ადმინისტრაციული სამსახურის უფროსი მალხაზ აფციაური, სხვადასხვა რელიგიურ გაერთიანებებს შეხვდა

აშშ-ში სამუშაო ვიზიტით მყოფი რელიგიის საკითხთა სახელმწიფო სააგენტოს დელეგაცია - სააგენტოს თავმჯდომარე ზაზა ვაშაყმაძე, სამართლებრივი უზრუნველყოფის სამსახურის უფროსი არჩილ მეტრეველი და ადმინისტრაციული სამსახურის უფროსი მალხაზ აფციაური, სახელმწიფო დეპარტამენტის სპეციალურ წარმომადგენელს რელიგიისა და გლობალურ საკითხებში - შონ ქეისს შეხვდა. შეხვედრას, ასევე, ესწრებოდა საქართველოს საგანგებო და სრულუფლებიანი ელჩი აშშ-ში - არჩილ გეგეშიძე.

აშშ-ში სამუშაო ვიზიტით მყოფი რელიგიის საკითხთა სახელმწიფო სააგენტოს დელეგაცია - სააგენტოს თავმჯდომარე ზაზა ვაშაყმაძე, სამართლებრივი უზრუნველყოფის სამსახურის უფროსი არჩილ მეტრეველი და ადმინისტრაციული სამსახურის უფროსი მალხაზ აფციაური, რელიგიის თავისუფლების საერთაშორისო  საკითხებში საგანგებო დავალებათა ელჩს - დევიდ საპერშტეინს და მისი ოფისის წარმომადგენლებს შეხვდა. შეხვედრას, ასევე, ესწრებოდა საქართველოს საგანგებო და სრულუფლებიანი ელჩი აშშ-ში - არჩილ გეგეშიძე. 

3 მარტს რელიგიის საკითხთა სახელმწიფო სააგენტოს დელეგაცია ზაზა ვაშაყმაძის ხელმძღვანელობით, სამუშაო ვიზიტის ფარგლებში, აშშ-ს უსაფრთხოების დეპარტამენტის სამოქალაქო უფლებებისა და თავისუფლებების ოფიცერს ისან ზაფარს შეხვდა.

ისან ზაფარმა სტუმრებს საკუთარი დეპარტამენტის საქმიანობა გააცნო და ვრცლად ისაუბრა აშშ-ს სახელმწიფო უწყებებში სეკულარიზმისა და რელიგიური ნეიტრალიტეტის, ასევე, ანტიდისკრიმინაციული პოლიტიკის უზრუნველყოფის გამოცდილების შესახებ.

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე თანმხლებ დელეგაციასთან ერთად აშშ-ში სამუშაო შეხვედრებს განაგრძობს. 2 მარტს, შეხვედრა გაიმართა აშშ-ს იუსტიციის დეპარტამენტში, სადაც სააგენტოს წარმომადგენლები შეხვდნენ სამოქალაქო უფლებების განყოფილების სპეციალურ მრჩეველს რელიგიის ნიშნით დისკრიმინაციის საკითხებში - ერიკ ტრინს.
მხარეებმა ისაუბრეს რელიგიის ნიშნით დისკრიმინაციის პრობლემის შესახებ და საქართველოსა და აშშ-ში მისი დაძლევის მიმართულებით ჩამოყალიბებულ სახელმწიფო გამოცდილებაზე. შეხვედრაზე ერიკ ტრინმა ისაუბრა აშშ-ში რელიგიის ნიშნით დისკრიმინაციის დაძლევის ინსტიტუციური პოლიტიკისა და სამართლებრივი ინსტრუმენტების, ასევე, დისკრიმინაციის მსხვერპლთა ადვოკატირების პრაქტიკის შესახებ. სააგენტოს თავმჯდომარემ იუსტიციის დეპარტამენტის წარმომადგენლებს გააცნო საქართველოში მოქმედი ანტიდისკრიმინაციული კანონმდებლობა და სააგენტოს საქმიანობის სტრატეგიული მიმართულებები.
შეხვედრის დასასრულს ქართულმა მხარემ გამოთქვა სურვილი, აშშ-ის სახელმწიფო ინსტიტუტების პოლიტიკური და პრაქტიკული გამოცდილების საფუძვლიანი გაცნობისა და გაზიარების შესახებ. მიღწეული იქნა შეთანხმება, ანტიდისკრიმინაციული გარემოს უზრუნველყოფის მიმართულებით ორმხრივი პროექტების განხორციელების შესახებ.

აშშ-ში სამუშაო ვიზიტის ფარგლებში რელიგიის საკითხთა სახელმწიფო სააგენტოს თავმჯდომარემ, თანმხლებ დელეგაციასთან ერთად, შეხვედრა გამართა ჯორჯთაუნის უნივერსიტეტის, რელიგიის, მშვიდობისა და გლობალურ საკითხთა, ბერკლის ცენტრის წარმომადგენლებთან.

UWC  მსოფლიო კოლეჯთა გაერთიანების დილიჟანის კოლეჯის სტუდენტთა ჯგუფი 25-27 თებერვალს საქართველოს ეწვია. მათ მოინახულეს თბილისის ისტორიულ-კულტურული ცენტრი: ძველი თბილისი, საქართველოს ეროვნული მუზეუმი, ეთნოგრაფიული მუზეუმი, ეწვივნენ მცხეთას, ჯვარს.  კულტურულ, საგანმანათლებლო და ახალგაზრდულ ცენტრს „ჰაიარტუნში“ ახალგაზრდებს რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე შეხვდა, რომელმაც წაიკითხა საჯარო ლექცია თემაზე: „საქართველოს რელიგიური მრავალფეროვნება“.