გულითადად გილოცავთ ვარდავარის - იესო ქრისტეს ფერიცვალების - ბრწყინვალე დღესასწაულს. ეს  დღე  სომხური სამოციქულო მართლმადიდებელი  ეკლესიისათვის განახლების, სინათლისა და სიწმინდის დღესასწაულია. თითოეულ თქვენგანს   ვუსურვებთ მშვიდობას, სულიერ  სიძლიერესა  და სიმტკიცეს.

 რელიგიის საკითხთა სახელმწიფო სააგენტო აგრძელებს შეხვედრებს დიპლომატიური კორპუსის წარმომადგენლებთან. სააგენტოს თავმჯდომარე - ზაზა ვაშაყმაძე და თავმჯდომარის მოადგილე ლელა ჯეჯელავა შეხვდნენ პოლონეთის რესპუბლიკის საგანგებო და სრულუფლებიან  ელჩს საქართველოში ანჟეი ჩიეშკოვსკის.

ივანე ჯავახიშვილის სახელობის თბილისის სახელმწიფო უნივერსიტეტსა და რელიგიის საკითხთა სახელმწიფო სააგენტოს შორის თანამშრომლობის მემორანდუმი გაფორმდა. მემორანდუმს თსუ რექტორმა, აკადემიკოსმავლადიმერ პაპავამ და რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ მოაწერეს ხელი. 

    სააგენტოს თავმჯდომარე ზაზა ვაშაყმაძე და თავმჯდომარის მოადგილე ლელა ჯეჯელავა გერმანიის ფედერაციული რესპუბლიკის საგანგებო და სრულუფლებიან ელჩს საქართველოში ორთვინ ჰენიგსს შეხვდნენ.

დღეს, 27 ივნისს, საქართველოს მთავრობის კანცელარიაში გაიმართა რელიგიის საკითხთა სახელმწიფო სააგენტოს თავმჯდომარის ზაზა ვაშაყმაძისა  და აღმოსავლეთ ევროპის სომეხ კათოლიკეთა ორდინარიატის  წარმომადგენლის, ეპისკოპოს მიხეილ ხანჩალიანის შეხვედრა.

მიმდინარე წლის 26 ივნისს რელიგიის საკითხთა სახელმწიფო სააგენტოს წარმომადგენლები საქართველოს ევანგელიურ-ლუთერული ეკლესიის წინამძღვარს ჰანს იოჰან კიდერლენს შეხვდნენ.  განიხილეს სააგენტოსა და კონფესიების თანამშრომლობის საკითხები და  ამ სფეროში ათწლეულობით დაგროვილი პრობლემები. აღინიშნა, რომ სააგენტოს შექმნით სახელმწიფომ მნიშვნელოვანი ნაბიჯი გადადგა  ამ მიმართულებით საქმიანობის გამჭვირვალედ და  ეფექტურად  წარმართვისათვის.

2014  წლის  25 ივნისს  საქართველოს მთავრობის კანცელარიაში გაიმართა რელიგიის საკითხთა სააგენტოს  თავმჯდომარის - ზაზა ვაშაყმაძის  შეხვედრა საქართველოს ბაპტისტური ეკლესიის წინამძღვართან მერაბ გაფრინდაშვილთან და ეპისკოპოს მალხაზ სონღულაშვილთან.  შეხვედრას  ესწრებოდნენ სააგენტოს  საინფორმაციო-ანალიტიკური სამსახურის უფროსი ვლადიმერ ნარსია და სამართლებრივი უზრუნველყოფის სამსახურის უფროსი არჩილ მეტრეველი.

 25 ივნისს   საქართველოს მთავრობის  კანცელარიაში  გაიმართა რელიგიის საკითხთა სახელმწიფო სააგენტოს თავმჯდომარის - ზაზა ვაშაყმაძისა და   ჰოლანდიის საგარეო საქმეთა სამინისტროს ადამიანის უფლებათა დაცვის ცენტრის წარმომადგენლის მარგო დე იონგის შეხვედრა.

 25 ივნისს   საქართველოს მთავრობის  კანცელარიაში რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე შეხვდა იტალიის რესპუბლიკის  საგანგებო და სრულუფლებიან ელჩს საქართველოში   ფედერიკა ფავის.